النهار

كشفت الفنانة المصرية شيرين عبد الوهاب خلال تواجدها في برنامج صاحبة السعادة، التي تقدمه الإعلامية إسعاد يونس على قناة DMC

وقالت: "أنا كنت لازم عشان أنام أخد حاجة تأهلني للنوم، وأوّل ما أصحى أخد أدوية للمعدة والحساسية، دلوقتي عايشة من غير حتى برشام صداع، والبركة في دكتور نبيل عبد المقصود".

وأضافت شيرين: "هل عشان هو دكتور إدمان لازم أكون أنا بتعالج من الإدمان؟ هو صديقي من زمان، وفي إدمان أدوية وأكل وعادات سيئة، مش مخدرات بس، مفيش مخدرات أنا فلة وشمعة منورة".

كما كشفت شيرين أن قيامها بحلق شعرها عقب انفصالها كانت خطوة اتخذتها بعد قراءتها أحد الكتب.

 وأضافت: "اللي أنا عملته علم النفس اتكلم عنه وحلله كويس، وقريت كتاب إن حلاقة الست لشعرها بداية عهد جديد تفتحه مع نفسها".

وتابعت: "حاسة إني فعلاً فتحت صفحة جديدة وكأني بغسل نفسي، وكنت بحب شعري لكن شعري الجديد طلع لذيذ". ومضت قائلة: "أنا شخص طول الوقت بشتكي بنفسيتي، لكن من شهرين حاسة إني مولودة من جديد، مفيش لوم، في ضحك وهزار ودلع".

وحول نظامها الغذائي، قالت شيرين: "أنا مش حارمة نفسي من حاجة، لكن دخلت في شرنقة شيرين والحياة اللي كنت عايشاها الأول، وكل حاجة نفسي فيها باخد منها حتة.. مش أكتر من حتة". وأضافت: "جسمي في قرطاج كان معبي مية ولا زلت، لكن كشيت شوية وشعري طول".

وصرّحت أنها صحياً لم تكن قادرة على الغناء في مهرجان قرطاج، مضيفةً: "لما طلبوني في الحفلة معرفش ليه قبلتها، لكن كلمني سيادة السفير المصري في تونس وأحرجت منه".

وقالت أيضاً: "أنا مش بعرق، ودي أول مرة أعرق على المسرح، وجسمي كان معبي مية". مضيفة: "معرفش ليه قبلت الحفلة ومعرفش إزاي غنيت ووقفت في الحفلة دي".

وأوضحت شيرين حول تأثير الجمهور عليها في حفل قرطاج، قائلة: "لما دخلت على الناس غمضت عيني لحظة وخفت، لكن من كم الحب، في طاقة إيجابية اتبخت في وشي، وناس من أهل تونس لاموني إني مشيت بدري، وأنا مش مصدقة إني قدرت أنفذ العقد".