النهار

كتب بيار صقر هذه الرسالة ونشرها عبر حسابه على "فايسبوك" معلنا فيها استسلامه وخسارته المعركة في مواجهة صعوبات العيش في لبنان. وقد تفاعل معه المتابعون من كل حدب وصوب، وتمنوا عليه التمهل في خطوته، وابدوا استعدادهم للوقوف الى جانبه. وهنا نص الرسالة:

نهاركم مبارك،

بعد كم يوم بكون صرلي ثلاث سنين مسكر شغلي بسبب الازمة وقاعد بالبيت ناطر الوقت والفرج،

خلال شهرين بدي سًلم المعمل وبالطبع ما معي جدِد أيجار وعندي مشاكلي الصحية. صرلي فترة كل ما اتصور حالي عم بِخلي معملي وكب ٣٢ سنة تعب هيك، يروحوا ضيعان،

بغضب وبخوَت ، خصوصا انو مضطر ارجع اسس حالي عن جديد كأنو بعدني متخرج من الجامعة وعمري ٢٦ سنة وانا عمري ٦٢ !!! يعني بعد سنتين لازم روح عالتقاعد وبالدول يللي بتحترم حالها معزز ومكرّم، بينما امكاناتي المادية هلأ "عالأرض" ، لا رصيد مالي لدي !

انا عطول شخص ايجابي ومرح. انما الأفق تسكر امامي تقريبا. انا ربيت بي عيلة مسيحية مؤمنة على يد والد آدمي محب صلب ومكافح، رباني على محبة لبنان، كتير وزيادة، على الكرم ومساعدة الغير والاستقتال لمساعدة الفقير.

ما بقى فيني عيش بدون قدرة على انشاء عيلة، اهتم بأخواتي المحبين بوالدي يللي بفتخر جدا فيه !معنوياتي ما بتسمحلي استمر هيك والاوضاع باتجاه الانهيار اكتر. ما فيي عيش بدون ما تابع خدمة القضية يللي عطيتها ٤٠ سنة من عمري من وقت معركة زحلة. بلشت شوف حالي مكافح تقاعد قبل وقتو. بعد شوي يمكن ما رح ما يكون معو ياكل !الأفق شبه مسكر.صرلي شهرين عم بحس بحزن كبير وعم بزيد. وصرت صلي قبل ما نام لقديسي شربل يفتحها بوجي واذا لأ ل ألله ياخدني، اطلع على عنايا كل اسبوع. ما لقيت ولا اشارة امل. القلق كبر اكتر والحزن صار اقوى مني، والله ما عم بيبعت ورايي، قررت اليوم انا روح لعندو، ما بقى فيي كمّل، جبت معي بارودتي، يللي هي امانة من القضية عندي ، وقررت انهي حياتي 😢. كنت حابب موت شهيد كرمال قضية لبنان، متل كتير من رفاقي كرمال كرامتنا وحريتنا كمسيحيين لأنو من زمن مار يوحنا مارون نحنا الوحيدين بهالشرق قرارنا حرّ وعنفواننا قد جبال الارز، بس شو بدي اعمل. اعتبروني شهيد او بالضبط ضحية الانهيار يللي وراه كتلة الشر المعممة بالاسود يللي مخباية تحت الارض بالضاحية. انا ضحيتو وضحية توابعو الفاسدين الحرامية يللي تواطؤا معو مقابل المال والسلطة، المسيحيين منهم قبل المسلمين، ما بدي سمّيهم تا ما لوث اخر صفحة بكتبها بأساميهم، انشالله مار مخايل يظهر عليهم و بسيفو يدبحهم.

بطلب من اهلي واخواتي وعائلاتهم المحبة السماح ويتفهموني.

وبعتذر من شباب القوات اللبنانية والسياديين الشرفا، (مش من البعض منهم الانانيين المزوّرين) اني مار رح كون موجود وقت ينادي الواجب....

بوصي بـ ٥ شغلات :

١- انو ينلّف نعشي وبالتسلسل :

ب علم لبنان.

ب علم القوات اللبنانية، المؤسسة يللي عطيتها من عمري اربعين سنة في سبيل لبنان، مؤسسة بشير يللي حافظ عليها سمير فريد جعجع برموش العين ولعشرات السنين وما تعب وبعدو عمبواجه.

ب علم الكتائب اللبنانية يللي جذوري نمِت بتربتها في البدايات، روح الكتائب يللي انا بعرفها وبحبها، كتائب رينه صقر وسليم عاصي وفوزي خزاقة وجورج سعادة وديب نجيم وميشال البش. كتائب يوسف الضاهر، انطوان نجم، جود البايع، الوزير جورج سعادة وسمير جعجع. كتائب بشير الجميل والشهيد الحبيب بيار بالروحية والنضافة.

٢- بالتأبين تبعي، قدام كل الناس القاء، نبذة عن نضالي زمن الحرب والمسؤوليات يللي تسلمتها متل اي شهيد لأني بشوف حالي فيها خصوصا نشاطي ورا الخطوط ، مع العلم انو كنت انا عطول محتفظ فيهم ألي وما بحب احكي شي، بس هلأ رايح موت وما بقا في لزوم للتحفظ بالعكس .

٣- اذا امكن وضع لوحة تذكارية على نيتي جانب الكنيسة بموقع البطولة " الغرفة الفرنسية "صنين وقت يللي بتلاقوا مناسب.

٤-اقامة قداس على نيتي عشية او يوم عيد الرب في ٦ آب بكنيسة الرب بجرد تنورين هالجرود يللي بدمّي هو وجرد العاقورة وجرد صنين يللي رح اترك روحي فيهم.

٥ - لاخواتي ت يضللوا متل ما ربانا الوالد. يلتفو ع بعضهم متل ما هني ويضللوا لبعض عطول ينتبهوا لاولادهم يللي بحبهم كتير ويفرحوا منهم.

. . . اخيرا بفتخر بامرين، انو والدي رينيه امين صقر، وانو تعرفت عن كثب على حقيقة سمير فريد جعجع على خلاف كتير ناس مضللين، الانسان المؤمن الصلب المؤتمن وخصوصا المتواضع الآتي من عيلة متواضعة مؤمنة ، يعني متلنا متلو، منشان هيك حطيت ثقتي فيه وتابعت التزامي بالقضية معو.

. . . .مع محبتي 🙏

ملاحظة : مفتاح ال jeep على المذبح

( وحياة الله عم بكتب هالاسطر وعم بشهق بالبكي)