نعم ابدية قالاها اليوم وليام نون شقيق الشهيد جو نون وماريا فارس شقيقة الضحية الشهيدة سحر فارس، بعد قصة حب جمعت بينهما.
"على المرة قبل حلوة" تعاهدا اليوم، لاكمال الحياة والنضال من اجل الحقيقة سويا، بشهادة الاصدقاء اللذين حضروا حفل الزفاف اليوم.
وقبل ساعات من دخولها القفص الذهبي، وجّهت ماريا فارس عبر حسابها على "انستغرام"، رسالة لشقيقتها سحر قالت فيها: "من حوالي ٣ سنين و ٣ شهور، وعيتي وركضتي وفرحتي ونعجقتي بعرس اختنا. اليوم قلبي عم يوجعني اكتر من كل الايام عا غيابك .. انا بعرف انك شايفة، حاسة ومبسوطة لفرحنا لو هوي ناقص انتي و دجو!"
وأضافت: "يا احلا اشبينيْن سماوييْن، يا احلا ملايكة . قدام الله اليوم رح نوعدكن نكفي كل المشوار، عالمرة قبل الحلوة. منحبكن كتيييررر".
كما استذكر وليام شقيقه دجو نون في رسالة نشرها عبر موقع انستغرام كتب فيها: "٢٧ سنة عشناهن سوا انا وياك عالأرض قبل ما يجي مجرمين يقررو ياخدوك مني، شو كانت احلامنا بسيطة وهنية ما كان بدنا شي إلا نضل سوا كتف عكتف" .
واضاف: "صح اليوم انا عم حقق حلم من احلامي ومبسوط رغم كل الشوق وغيابك ،بس بيبقى الهدف الأكبر عليي وعكل انسان بحب لبنان عدالة وحقيقة ومحاسبة لكل حدا ساهم بقتلكن . كتار بيقرو هالكلمات وبيتضحكو علينا وانو لوين مفكرين نوصل ،بس نحنا خدنا قرار وبدنا نكفي لو شو ما كانت النتيجة. دجو ليوم وكل يوم وصل صوتنا وآلام وطنا لرب السموات".
وختم قائلاً: "بحبك يا كبير البيت".
تويتر
فيسبوك
يوتيوب
انستغرام
مسنجر
واتساب
بريد إلكتروني
الطباعة
